Novas da Biblioteca do Porriño

Gañadora do concurso

2012-01-19T06:06:00.000-08:00

Xa temos gañadora do concurso Que mellor cesta de Nadal que unha chea de libros! A gañadora foi Sonia Martínez González, unha nena de 10 anos do Porriño que recibiu o noso premio literario na biblioteca de mans do alcalde, Nelson Santos, e da concelleira de cultura Teresa Veloso. Este ano batemos o record de participación, case o dobre do ano pasado, con 1.450 papeletas.
A biblioteca quere ofrecerlle os seus parabéns á gañadora, e agradecer a participación de todos os seus usuarios e usuarias nesta nova edición do concurso.

Que mellor cesta de nadal que unha... chea de libros!

2011-12-17T01:23:00.000-08:00

A Biblioteca Municipal do Porriño convoca o concurso “Que mellor cesta de Nadal que unha chea de libros!”. Dende o luns 12 de decembro, ata o luns 8 de xaneiro, as usuarias e usuarios da biblioteca serán agasallados cunha participación gratuíta para o concurso con cada préstamo a domicilio que efectúen. Será despois do 8 de xaneiro cando de realice o sorteo para coñecer o gañador ou gañadora da cesta de Nadal. A cesta está composta dunha ampla relación de libros de distintas materias (narrativa, pintura, historia, obras de divulgación…) para todas as idades. A concellaría de Cultura dirixida por María Teresa Veloso a través da biblioteca pretende ofrecer como agasallo aos seus usuarios e usuarias unha colección de obras para ler ao longo de todo ano entre toda a familia, empregando este tipo de populares sorteos, máis propios doutros ámbitos e sectores, como un factor dinamizador máis dos nosos servizos.

Feira do Libro e da Artesanía

2011-11-08T16:15:00.000-08:00

Dende o xoves 10 de novembro ata o sábado 12 de novembro celebramos a Feira do Libro e da Artesanía, que se desenvolverá na praza Arquitecto Antonio Palacios do Porriño. En horario de 11.00 a 13.30 e de 16.30 a 19.00 horas, ademais de poder visitar as diversas casetas nos que se exporán libros de toda índole e obxectos artesanais, o público tamén poderá gozar con contacontos, talleres e actividades de animación de rúa. A feira contará coa participación das librerías do Porriño e da editorial Barafunda.

Boletín de novidades nº 83

2011-10-21T08:45:00.000-07:00

Xa tedes na páxina web o novo Boletín de novidades (nº 83)

Ampliamos o horario

2011-10-13T08:10:00.000-07:00

A partir do 8 de outubro de 2011, a biblioteca amplía o seu horario anterior (de luns a venres de 9,00 a 21,00 ininterrompidamente) para abrir tamén todos os sábados de 10,00 a 14,00 horas, ofrecendo aos nosos usuarios e usuarias as maiores facilidades e servizos. Así que xa o sabedes: agora tamén podedes ler, estudar, formaros e informaros na biblioteca todos os sábados pola mañá.

Estatísticas

2011-08-01T07:08:00.000-07:00

Publicamos neste post as estatísticas de préstamo de exemplares dos últimos meses. O servizo de préstamo segue batendo marcas de uso.

Boletín de novidades nº 82

2011-07-18T10:00:00.000-07:00

Xa tedes na páxina web o novo Boletín de novidades (nº 82)

Fallo do Pracer de ler 2011

2011-07-13T01:15:00.000-07:00

Xa temos gañador do concurso O Pracer de ler 2011 da Biblioteca do Porriño. Moitas grazas a todas e todos pola vosa colaboración, o concurso tivo unha gran participación e recibimos fotografías de moita calidade que están expostas no Centro Cultural Municipal. Nesta edición o xurado dictaminou que o gañador do concurso é Fernando Carrero coa súa obra “Paseo e lectura” que posteamos. Noraboa ao gañador e a todas as persoas participantes.

De Xohán de Cangas a Lois Pereiro

2011-05-02T06:56:00.000-07:00

Este venres 6 de maio ás 11,00 horas no auditorio da biblioteca, dentro da programación de Letras Vivas da Rede de Bibliotecas de Galicia, celebrarase o recital-obradoiro poético-musical "De Xohán de Cangas a Lois Pereiro". Trátase dun recital-obradoiro poético-musical a cargo da cantante e escritora Estíbaliz Espinosa e o violinista, pianista e compositor Juan Carlos Vázquez. O programa (repertorio-poemario) integra música e poemas xurdidos da literatura clásica e actual, sendo tratados dende a perspectiva da "cultura pop”. Contén referencias ás "cantigas de amigo"; á música pop galega que recupera textos de poetas galegos do Rexurdimento; versións "rap" de poesía galega do século XX; e a estrea dunha canción (Lied) experiemental con textos de Lois Pereiro.

Boletín de novidades nº 81

2011-04-27T11:02:00.000-07:00

Xa tedes na páxina web o novo Boletín de novidades (nº 81)

O pracer de ler 2011

2011-04-07T06:31:00.001-07:00

Convocamos o concurso anual de fotografía da biblioteca, "O pracer de ler 2011". O premio son 600 € e tedes ata o día 31 de maio para presentar as as vosas fotografías.
Máis información na nosa páxina web.

Estatísticas

2011-04-05T06:57:00.002-07:00

Publicamos as estatísticas da biblioteca dos últimos meses.

Boletín de novidades nº 80

2011-03-31T07:59:00.000-07:00

Xa tedes na páxina web o novo Boletín de novidades (nº 80)

Boletín de novidades nº 79

2011-02-23T07:33:00.000-08:00

Xa tedes na páxina web o novo Boletín de novidades (nº 79)

Estatísticas

2011-02-08T09:48:00.000-08:00

Publicamos a estatística de préstamos dos últimos meses da biblioteca.

Gañadora da cesta de libros

2011-01-19T00:29:00.000-08:00

Resolveuse o concurso de Que mellor que unha cesta de libros. Tamén, a biblioteca é escollida por noveno ano consecutivo nos premios María Moliner e beneficiaria do programa Tic-tac Galicia.

Estatísticas da biblioteca

2010-12-16T10:22:00.000-08:00

Publicamos a estatística de préstamos dos últimos meses da biblioteca.

Boletín de novidades nº 78

2010-12-14T06:34:00.000-08:00

Xa tedes na páxina web o novo Boletín de novidades (nº 78)

Boletín de novidades nº 77

2010-11-17T01:00:00.000-08:00

Xa tedes na páxina web o novo Boletín de novidades (nº 76)

Boletín de novidades nº 76

2010-10-14T11:18:00.000-07:00

Xa tedes na páxina web o novo Boletín de novidades (nº 76)

Boletín de novidades nº 75

2010-09-10T05:28:00.001-07:00

Xa tedes na páxina web o novo Boletín de novidades (nº 75)

Estatísticas

2010-09-01T06:30:00.000-07:00

Publicamos o gráfico coa estatística de préstamos interanual cos datos de agosto incorporados.

Boletín de novidades nº 74

2010-08-06T01:13:00.000-07:00

Xa tedes na páxina web o novo Boletín de novidades (nº 74)

Fallo do Pracer de Ler 2010

2010-07-13T01:43:00.000-07:00

Xa temos gañadora do concurso O Pracer de ler 2010 da Biblioteca do Porriño. Moitas grazas a todas e todos pola vosa colaboración, o concurso tivo unha gran participación e recibimos fotografías de moita calidade que están expostas no primeiro andar do Centro Cultural Municipal. Nesta edición o xurado ditaminou que a gañadora do concurso é Lisi G. Fontaíña coa súa obra “F/8-Sen título”. Noraboa á gañadora e a todos os participantes.

Boletín de novidades nº 73

2010-06-23T00:17:00.000-07:00

Xa tedes na páxina web o novo Boletín de novidades (nº 73)

Cans para cativos

2010-05-14T05:42:00.001-07:00

Este ano volvemos a colaborar co Festival de Curtas de Cans coa proxección de varias curtas de animación premiadas en edicións pasadas. Co título de "Cans para cativos", proxectaremos o mércores 10 de maio, ás 18,30 no auditorio, unha selección de películas para todos os públicos:

Lelo y las estaciones
Ano 2008 / 6 min
Dirección, guión adaptado, realización e edición: Maria Becerra Gestal
Baseada no conto popular "El burrito descontento"
Dirección artística: Xana Morales
Dirección técnica: Xabi Juiz
Música: "La siguiente estación"
Sinopse: Este burriño, como todos nós, cando chega o verán bota de menos a choiva e cando chega o inverno bota de menos o sol.
O detalle: Foi un proxecto do Máster en Creación e Comunicación Dixital da Universidade da Coruña.

O soldadiño de chumbo
Ano 2008 / 12 min.
Dirección: Virginia Curiá e Tomás Conde
Baseada nun relato de H.C. Andersen
Produtor: Pancho Casal
Producida por Continental Producións e Algarabía
Produtora executiva: Chelo Loureiro
Música orixinal: Emilio Aragón
Deseño de personaxes: Alfonso Costa
Sinopse: Fermosa adaptación do clásico de Hans Christian Andersen. Os xoguetes e as figuras deseñadas en plastilina cobran vida ata lograr unha historia que chegará a emocionarte.
O detalle: O actor e director Emilio Aragón compuxo unha banda sonora digna de escoitar con atención.

A flor máis grande do mundo
Ano 2007 / 10 min.
Dirección: Juan Pablo Etcheverry
Guión baseado nunha historia de José Saramago
Música: Emilio Aragón
Narración: José Saramago
Ilustracións: Diego Mallo
Produción Executiva: Chelo Loureiro
Producida por: Continental Animación
Sinopse: Un conto entrañable do Nóbel José Saramago levado a animación en plastilina. A historia dun escritor que di non saber como se escriben historias para nenos.
O detalle: Non perdades a reprodución de Saramago en plastilina e súa voz como narrador da curta.

O señor dos mosquis
Ano 2005 / 12 min.
Dirección: David Rubín
Guión: Beatriz Iso
Producido por: Dygra
Produción executiva: Tania Pinto Da Cunha
Sinopse: Vertedoiros, medio ambiente e concienciación sobre a reciclaxe e o gasto responsable de auga. Capítulo final da Saga dos Mosquis para Manos Unidas.
O detalle: Ideal para concienciados sociais e defensores do 0,7%.

Comeza a Bibliopraza

2010-05-06T07:34:00.000-07:00

Tódolos xoves e venres de maio e xuño de 2010, entre as 17,00 e 20,00 horas, a biblioteca volve instalar a Bibliopraza na Praza do Concello da nosa localidade. Cun mobiliario composto por cadeiras, mesas, parasoles, etc. a biblioteca creará un espazo axeitado nas rúas peonís, saíndo dos seus muros e sacando os seus libros á rúa para que os porriñeses gozen da climatoloxía que anuncia o inicio do verán sen que por iso teñan que deixar de aproveitar os servizos da biblioteca. A selección de obras que se trasladarán á bibliopraza estará composta por literatura (narrativa, poesía e teatro), ensaio e obras infantís, incluíndo unha boa selección de cómics.

Boletín de novidades nº 72

2010-04-30T10:15:00.000-07:00

Xa tedes na páxina web o novo Boletín de novidades (nº 72)

Boletín de novidades nº 71

2010-04-05T08:39:00.000-07:00

Xa tedes na páxina web o novo Boletín de novidades (nº 71)

O pracer de ler 2010

2010-03-17T11:53:00.000-07:00

Co motivo da celebración do Día do Libro do 23 de abril de 2010, a Biblioteca Municipal do Porriño convoca un concurso de fotografía que ten como obxecto a promoción da lectura e a dinamización da referida festividade.

TEMÁTICA

- A temática das fotografías a presentar versará sobre calquera aspecto relacionado co mundo da literatura, lectura e do libro, primando a idea que emana do propio nome do concurso "O pracer de ler”.

PARTICIPANTES E FOTOGRAFÍAS

- Participarán en concurso único tódalas persoas que así o desexen, sen diferenciación de idades, e co número de fotografías que estimen oportuno. As fotografías presentadas poderán ser en cor ou branco e negro, de calquera tamaño, pero sempre pegadas sobre unha cartulina negra.

- As obras deberán ser orixinais, inéditas e non ter sido premiadas nin recoñecidas ou seleccionadas noutros certames. Asemade, deberán estar libres de dereitos que poidan posuír terceiros.

FORMA DE PRESENTACIÓN

- As fotografías axuntaranse nun sobre, no dorso de cada fotografía irá o lema do autor e o título da fotografía. E tamén acompañará un sobre pechado co lema do autor escrito por fora e, no seu interior, os seguintes datos: nome completo do autor, enderezo postal, número de teléfono e fotocopia do DNI ou tarxeta de residencia.

LUGAR E PRAZO DE ENTREGA

- As fotografías entregaranse nas oficinas da biblioteca municipal R/ Domingo Bueno nº 9, 36400 O Porriño – Pontevedra, en horario de 9,00 a 21,00 h. de luns a venres ata o prazo máximo do venres 28 de maio ás 21,00 h.

XURADO E FALLO:

- O xurado estará composto por membros do departamento de Cultura do Concello do Porriño, ou persoas nas que deleguen. O fallo do xurado darase a coñecer nos medios de comunicación, ademais de comunicarse persoalmente ao gañador por teléfono.

PREMIO:

- Concederase un único premio de 600 €. sometido á retención que exprese a lei. No caso de que o gañador sexa menor de idade na data de remate de presentación das fotografías, substituirase o diñeiro por un agasallo (cámara dixital e/ou material fotográfico) dun valor aproximado.

EXPOSICIÓN:

- Coas fotografías presentadas a concurso realizarase unha exposición nas instalacións da biblioteca.

DEREITOS PATRIMONIAIS DE EXPLOTACIÓN DA FOTOGRAFÍA PREMIADA:

- De conformidade co previsto na Lei de Propiedade Intelectual, o autor da fotografía premiada, sen prexuízo dos dereitos morais que lle corresponden, cede á Biblioteca Municipal do Porriño, co carácter de exclusividade, os dereitos patrimoniais de explotación da fotografía gañadora.

OBRAS NON PREMIADAS:

- A presentación dunha fotografía a este concurso supón a autorización expresa da súa reprodución en calquera formato que se estime necesario para a divulgación do concurso e da biblioteca, especialmente no referido á súa promoción, difusión, comunicación e exhibición, incluídos exposicións, catálogos e páxinas web.

- As obras non premiadas poderán ser devoltas a petición dos seus autores, sempre pola súa conta e pasado 1 mes da finalización da exposición do concurso. No caso de solicitar a devolución por axencia de transporte, devolveranse a portes debidos.

ACEPTACIÓN DAS BASES:

- A participación neste concurso supón a aceptación total das presentes bases e fallo do Xurado. O Xurado queda facultado para dirimir calquera eventualidade non prevista nelas.

Boletín de novidades nº 70

2010-03-04T08:31:00.000-08:00

Xa tedes na páxina web o novo Boletín de novidades (nº 70)

Estatísticas

2010-03-01T06:31:00.000-08:00

Publicamos o gráfico coa estatística de préstamos por meses interanual. Os nosos indicadores seguen crecendo a un ritmo excelente.

Boletín de novidades nº 69

2010-02-23T06:33:00.000-08:00

Xa tedes na páxina web o novo Boletín de novidades (nº 69)

Estatísticas de 2009

2010-01-08T01:09:00.000-08:00

Ofrecémosvos en tres gráficos as estatísticas de préstamos do ano 2009. Como veredes, este ano incrementamos en conxunto máis dun 98 % as cifras do ano pasado e dun 190 % as cifras de hai dous anos. Nalgúns meses chegamos a superar un incremento interanual dun 200 %. Estas cifras volven a certificar unha tendencia constante e moi positiva no uso da biblioteca en xeral e do servizo de préstamo en particular.

Gañador de concurso

2010-01-07T10:28:00.000-08:00

O gañador do concurso "Que mellor cesta de Nadal que unha chea de libros!" na edición deste ano foi Alberto Sánchez Martínez, de Torneiros (O Porriño). Noraboa e grazas a todas as persoas participantes!

Boletín de novidades nº 68

2009-12-29T08:13:00.000-08:00

Xa tedes na páxina web o novo Boletín de novidades (nº 68)

Carta de servizos

2009-12-22T00:33:00.000-08:00

A biblioteca acaba de publicar a súa Carta de Servizos. Trátase dun documento co que pretende informar ás persoas usuarias da súa misión, visión e valores, os datos de contacto da biblioteca, as características dos seus servizos ou os dereitos e deberes das persoas usuarios. A Carta de Servizos é un documento que ten por obxecto informar á cidadanía sobre as cualidades co que se provén os servizos públicos, e se constitúen como instrumentos idóneos para actualizar o exercicio dos dereitos da cidadanía ao proporcionarlle unha influenza máis directa sobre os propios servizos públicos, para fomentar a mellora continua da calidade e para facer explícita a responsabilidade dos xestores públicos ante a cidadanía.
A Carta de Servizos da biblioteca do Porriño está publicada en formato carpeta,IN A5, para que a podades meter no bolso e utilizala tamén para as vosas cousas. Podedes recollela na biblioteca.

Que mellor cesta de Nadal que unha chea de libros!

2009-12-22T00:26:00.000-08:00

Este ano volvemos a convocar o sorteo "Que mellor cesta de Nadal que unha chea de libros!". Tedes ata o 7 de xaneiro para introducir na furna a vosa participación que vos será entregada con cada préstamo a domicilio ou renovación que fagades. O día 7, a nosa contacontos viaxeira Lúa ConLuvas exercerá de man inocente e dará a coñecer á persoa gañadora. A cesta non contén turrón, xamón ou licores, pero posúe unha ampla e variada selección de lecturas sen colesterol e un ordenador infantil con wifi. Animádeos a participar!

1.000 cómics

2009-12-10T09:46:00.000-08:00

... ou case. 943 cómics incorporaremos para este Nadal, ampliando sustancialmente a nosa sección de comicteca, tanto a xeral como a de adultos. Novela gráfica, cómic europeo, tiras clásicas, manga, mainstream... incorporaremos á nosa colección todo tipo de xéneros de cómic.

Xornadas de Historia do Porriño

2009-12-09T04:53:00.000-08:00

A sexta edición das xornadas de Historia Local do Porriño, que se celebrarán os días 16, 17 e 18 de decembro, centraranse este ano tamén na historia da coral. Ao longo de tres días, o auditorio da biblioteca acollerá as conferencias de Eduardo Fernández Valverde, co título "A canción galega en Antonio Paz", e de Xosé Ramón Paz Antón, co título "A música coral no Porriño". As Xornadas de Historia do Porriño rematarán cunha mesa redonda baixo o título "A memoria da coral". Ademáis das Xornadas organízase sobre o tema unha exposición, un concerto e un encontro de corais de Nadal. Máis información en animaporrino.

VI Xornada de Historia do Porriño
16, 17 e 18 de decembro.
Ás 20,00 horas no auditorio

16 decembro: Conferencia
"A canción galega en Antonio Paz"
por Eduardo Fernández Valverde

17 decembro: Conferencia
"A música coral no Porriño"
por Xosé Ramón Paz Antón

18 decembro: Mesa redonda
"A memoria da Coral"
interveñen: Jesús Álvarez Ordóñez, Mª Jesusa Baladrón Carpintero, Joaquín Diz Tato, Mª Rita Iglesias Miniño, Antonio I. Paz Valverde e Antonio Pereiro Pérez.

Estatísticas de novembro

2009-12-01T08:37:00.000-08:00

Posteamos as estatísticas de préstamo persoal da biblioteca incorporando os datos dos últimos meses. Como podedes ver, incrementamos nun 260 % as cifras do ano pasado.

Boletín de novidades nº 67

2009-12-01T08:36:00.000-08:00

Xa tedes na páxina web o novo Boletín de novidades (nº 67)

Premios María Moliner 2009

2009-11-03T07:08:00.000-08:00

A nosa biblioteca foi distinguida, de novo, como unha das bibliotecas seleccionadas nos Premios María Moliner de animación á lectura, na súa edición de 2009. A Campaña de Animación á Lectura María Moliner, organizada polo Ministerio de Cultura, a Federación Española de Municipios e Provincias e a Fundación Coca-Cola, convocada para concellos de menos de 50.000 habitantes de toda España, é o concurso máis importante no mundo das bibliotecas españolas, que se celebra dende 1998 e que pretende premiar ós mellores proxectos para promover a lectura dos nenos e mozos nas bibliotecas do territorio estatal.

Este ano as bibliotecas gañadoras foron a biblioteca de La Vall d’Uixó (Castellón), na modalidade de Animación á Lectura; a biblioteca de Astorga (León), na modalidade de Labor Bibliotecaria; e, finalmente, a biblioteca de Sevilla la Nueva (Madrid), na categoría de Integración Social.

Recordamos que no ano 2006 a Biblioteca do Porriño gañou o Premio Nacional na modalidade de Animación á Lectura, e o ano pasado unha mención de honor nos mesmos premios. Tamén levamos sendo seleccionados entre os 350 mellores dende o 2002. Agradecemos este novo recoñecemento ao noso traballo por parte dos organizadores do concurso, un recoñecemento que non podería chegar a bo porto sen a complicidade dos nosos usuarios e usuarias. Grazas e noraboa a todos e todas.

Boletín de novidades nº 66

2009-10-30T06:04:00.001-07:00

Xa tedes na páxina web o novo Boletín de novidades (nº 66)

Boletín de novidades nº 65

2009-10-14T11:07:00.000-07:00

Xa tedes na páxina web o novo Boletín de novidades (nº 65)

Fallo O pracer de ler 2009

2009-10-08T06:44:00.000-07:00

Xa temos gañador do concurso O pracer de ler 2009. O xurado ditaminou que a fotografía gañadora é "Literacy for all" obra de Sudipto Das, de Calcuta (India). Nela se retrata como un conxunto de mulleres dunha vila rural de Bengala do Leste toman parte nun programa de alfabetización de adultos.
Neste enlace poderás ter máis información e ver todas as fotografías participantes

Puxémonos en contacto con Sudipto Das e enviounos o seu curriculum:
Graduado con honor en Comercio pola Universidade de Calcuta, fotógrafo autodidacta, agora traballa como fotoreporteiro para The Times da India, o xornal máis importante do país. Tamén traballou para a Associated Press (AP), a European Press Photo Agency (EPA), BBC News online, SPAN e o magazine India Today. Os seus traballos foron publicados no CITY magazine (EEUU), M.I.L.K.(Nova Zelandia), The National (Dubai) etc. A cobertura dos seus traballos internacionais e nacionais inclúen eleccións, conflitos, importantes figuras públicas e personaxes de estado así como historias da vida común.

Ten recibido varios premios internacionais incluíndo o Gran Premio no UAE Photography Competiton; o 1º premio no IPC 2009, de Indonesia; 1º premio na competición fotográfica WACC 2009, de Toronto; gañador do premio NatGeo Moment de 2009 da India, na categoría Xente; gañador do gran premio na Intrepid Photography Competition 2008, de Australia; 1º premio no concurso fotográfico Avós de 2008, nos EEUU; 1º premio na categoría de retrato no concurso fotográfico Olympus 2008, en España; 1º premio no concurso de fotografía “La Mirada Detained” de España, no 2008, na categoría de viaxes; 1º premio no concurso fotográfico The Human Heart, de Singapur 2008; 1º premio no concurso de fotografía australiano Photo Continental Street, no 2008; Fotógrafo Medioambiental do Ano 2007, no Reino Unido; 1º premio no concurso de fotografía internacional WHO 2007, de Suiza; 1º premio na categoría ensaio no Charnwood Arts 2007, de Reino Unido; 1º premio no World Lung Foundation de EEUU; finalista na competición Magic of Science en KNAW, Holanda; Premio Epoch Times Masterpiece, en China; premio Rising Star do National Geographic en EEUU, etc.

Sudipto Das participou en exposicións colectivas no “Castelo” Smithsonian de Washington DC; na Universidade Internacional BINUS de Yakarta en Indonesia: no museo NEMO de Amsterdam; no Pavillón do Parque das Artes Mile End de Londres; no Loughboroug Town Hall, de Reino Unido: no Centro Cultural de Chaves en portugal; e na galería de arte “Identity” de Singapur.

Estatísticas da biblioteca

2009-10-02T00:31:00.000-07:00

Posteamos as estatísticas de préstamo persoal da biblioteca incorporando os datos dos últimos meses. Como podedes ver, seguimos case a duplicar as cifras do ano pasado.

Boletín de novidades nº 64

2009-09-11T10:30:00.000-07:00

Xa tedes na páxina web o novo Boletín de novidades (nº 64)

Boletín de novidades nº 63

2009-08-12T06:35:00.000-07:00

Xa tedes na páxina web o novo Boletín de novidades (nº 63)

Boletín de novidades nº 62

2009-07-15T05:07:00.000-07:00

Xa tedes na páxina web o novo Boletín de novidades (nº 62)

Concurso de ideas para graffiti na Sala de Internet

2009-07-03T02:54:00.000-07:00

Co motivo da celebración da IX Festival Intercontracultura do Concello do Porriño, a OMIX e a Biblioteca do Porriño organizan un concurso de ideas para a decoración cun graffiti da Sala de Acceso a Internet da Biblioteca Municipal. A temática do deseño a presentar versará sobre calquera aspecto relacionado co mundo da literatura, lectura e do libro, en relación con Internet.

Xunto co concurso de ideas, será obrigatorio que o gañador ou gañadora leve a cabo con posterioridade a súa obra fisicamente na devandita sala.

Tedes as bases completas e as medidas e configuración da sala neste enlace.

Estatísticas da biblioteca

2009-07-01T01:41:00.000-07:00

Presentamos os gráficos da evolución no préstamo da biblioteca. Por un lado a comparativa do préstamo por anos, dividido en meses, e por outro a evolución do préstamo por trimestres dende 2005. Indicar, por exemplo, que neste mes de xuño produciuse un incremento do préstamo dun 149 % con respecto ao ano pasado ou dun 463 % con respecto ao 2006. Do 1º trimestre de 2005 ao 2º de 2009 o préstamo incrementouse nun 723 %.

Boletín de novidades nº 61

2009-06-22T07:09:00.000-07:00

Xa tedes na páxina web o novo Boletín de novidades (nº 61)

3º parte de Millenium

2009-06-18T06:51:00.000-07:00

Sete copias da esperada terceira parte da triloxía Millenium, "A raíña no palacio das correntes de aire", do escritor sueco Stieg Larrson, estarán a disposición das nosas usuarias e usuarios a primeira hora do vindeiro luns 22 de xuño.

Boletín de novidades nº 60

2009-06-02T02:34:00.000-07:00

Xa tedes na páxina web o novo Boletín de novidades (nº 60)

Película de Ismaël Ferroukhi

2009-05-26T00:21:00.000-07:00

Este xoves 28 de maio continuamos o ciclo de cine Como Cans e Ghatos coa proxección da película "A longa viaxe".

Descarga a folla de sala da película.

Tít. orixinal: Le grand voyage
Ano: 2004
Duración: 108 min.
País: Marrocos
Dirección: Ismaël Ferroukhi
Guión: Ismaël Ferroukhi
Música: Fowzi Gerdjou
Fotografía: Katell Djia
Reparto: Nicolas Cazalé, Mohamed Majd, Roxane Mesquida, Kamel Belghazi, Jacky Nercessian, Ghina Ognianova
Produción: coproducción Marrocos-Francia
Xénero: drama. Road movie.

Sinopse: A longa viaxe narra a viaxe dun pai e o seu fillo dende o sur de Francia ata A Meca. Os dous pertencen a unha cultura na cal a comunicación entre ambos é difícil pero non imposible. O abismo entre eles (xeracional, cultural e lingüístico) é máis grande debido á súa condición de exiliados en Francia. Ao longo desta viaxe lograrán entender que é o que os separa pero tamén o que os une.

Boletín de novidades nº 59

2009-05-21T07:11:00.000-07:00

Xa tedes na páxina web o novo Boletín de novidades (nº 59)

De 3 en 3

2009-05-19T01:18:00.000-07:00

A partir de hoxe podedes retirar en préstamo da biblioteca os libros de 3 en 3, máis un documento audiovisual. O incremento paulatino dos nosos fondos fai posible satisfacer unha demanda dos nosos usuarios e usuarias máis activas para retirar un maior volume de obras en préstamo da nosa biblioteca.

Película de Joachim Lafosse

2009-05-12T07:55:00.000-07:00

Este xoves 14 de maio continuamos o ciclo de cine Como Cans e Ghatos coa proxección da película "Propiedade privada".

Descarga a folla de sala da película.

Tít. orixinal: Nue propiété
Ano: 2006
Duración: 92 min.
País: Bélxica
Dirección: Joachim Lafosse
Guión: Joaquim Lafosse, François Pirot
Fotografía: Hichame Alaouie
Reparto: Isabelle Huppert, Jérémie Renier, Yannick Renier, Kris Cuppens, Patrick Descamps, Rephaëlle Lubansu, Sabine Riche, Dick Tuypens.
Produción: Coproducción Bélxica-Luxemburgo-Francia
Xénero: drama

Sinopse: Grazas á posible venda da propiedade familiar, dos xemelgos que xa son maiores deixan á súa nai divorciada e descobren a natureza dos vínculos que os une. A proximidade é insoportable, o afastamento imposible; a violencia invade o trío. Celosos e supersticiosos, os fillos prohiben á súa nai vender a casa familiar. Desesperada pola ausencia de liberdade, e animada polo seu amante, a nai deixa a propiedade. Ao longo da súa ausencia, o careo entre os xemelgos estalla.

Nova guía de lectura do cómic

2009-05-08T11:02:00.001-07:00

Acabamos de colgar a que fai o número 3 das nosas guías de lectura do cómic no Clube de Lectura. Trátase de "Aya de Yopougon", unha excelente obra de Marguerite Abouet e Clément Oubrerie que é analizada na guía, incluíndo, ademais, información sobre os autores, unha entrevista a Abouet, recursos en internet, recomendacións de lecturas, etc. Animádeos a participar cos vosos comentarios.

Película de David Lynch

2009-05-06T04:29:00.000-07:00

Este xoves 6 de maio iniciamos o ciclo de cine Como Cans e Ghatos coa proxección da película uha historia verdadeira.

Descarga a folla de sala da película.

Tít. orixinal: The Straight Story
Ano: 1999
Duración: 111 min.
País: Estados Unidos
Dirección: David Lynch
Guión: John Roach & Mary Sweeney
Música: Angelo Badamenti
Fotografía: Freddie Francis
Reparto: Richard Farnsworth, Sissy Spacek, Harry Dean Stanton, Everett McGill, John Farley
Produción: Coproducción USA-Francia; Le Studio Canal+ / Les Films Alain Sarde / Picture Factory & Film Four
Xénero: Drama. Road Movie

Sinopse: Alvin Straight ten 73 anos, é viúvo, vive en Iowa coa súa filla discapacitada Rose, padece un enfisema, ten problemas de visión e de cadeira e acaba de sufrir un brusco desfalecemento. O médico recrimínalle a súa mala alimentación e o pouco que coida da súa saúde. Cando aínda está convalecente e necesita dúas muletas para calquera desprazamento, recibe unha chamada que alerta do grave estado de saúde de Lyle, o seu irmán maior, con quen non se fala dende fai dez anos. Ao coñecer a noticia, Alvin decide emprender unha viaxe en solitario ata Wisconsin, onde vive Lyle, co único medio de transporte que ten ao seu alcance: unha segadora.

Boletín de novidades nº 58

2009-04-29T07:54:00.000-07:00

Xa tedes na páxina web o novo Boletín de novidades (nº 58)

Volve a Bibliopraza

2009-04-29T07:41:00.000-07:00

Volve a bibliopraza no 2009. Tódolos xoves e venres de maio e xuño de 2009, entre as 17,00 e 20,00 horas, a biblioteca instalará unha bibliopraza na Praza do Concello da nosa localidade. Cun mobiliario composto por cadeiras, mesas, parasoles, etc. a biblioteca creará un espazo axeitado nas rúas peonís, saíndo dos seus muros e sacando os seus libros á rúa para que os porriñeses gozen da climatoloxía que anuncia o inicio do verán sen que por iso teñan que deixar de aproveitar os servizos da biblioteca. A selección de obras que se trasladarán á bibliopraza estará composta por literatura (narrativa, poesía e teatro), ensaio e obras infantís, incluíndo unha boa selección de cómics.

O pracer de ler, 2009

2009-04-07T08:49:00.000-07:00

Convocamos unha nova edición do noso concurso anual de fotografía "O pracer de ler". Este ano volvemos a premiar con 600 € á mellor fotografía relacionada co libro e/ou a lectura que se presente e, como novidade, desta volta o concurso adquirirá un carácter totalmente dixital: as obras soamente poderán enviarse a través Internet, e a exposición de todas as fotografías participantes será virtual. O noso gran de area contra a crise.
Máis información aquí.

DVD de Lúa ConLuvas

2009-04-06T07:37:00.000-07:00

A Biblioteca Municipal do Porriño presenta no 2009 un proxecto de animación lectora en formato dixital, “Lúa Conluvas: un recurso de animación á lectura” como continuación da edición no 2008 de “Palabras liberadas para Xosé María Álvarez Blázquez”, buscando participar na creación de contidos relacionados co mundo do libro e da lectura.

Os obxectivos son:

- Fomentar a filosofía da institución como biblioteca-escola.
- Visibilizar a biblioteca municipal como entidade creadora de contidos.
- Proporcionar servizos bibliotecarios acordes e axeitados á demanda dos nosos usuarios e usuarias.
- Implementar proxectos de animación lectora baseados na diversidade e no multiculturalismo.

O DVD “Lúa Conluvas” contén fichas de países nas que se encontra información e se propoñen elementos para desenvolver unha actividade de animación á lectura sobre os mesmos (con froita, baile, música, lecturas, imaxes…), buscando fomentar actitudes como a solidariedade, a empatía, o multiculturalismo e, a partir do coñecemento, o respecto por outras sociedades. A personaxe de Lúa Conluvas será a nosa guía polo mundo, que nos acompañará a descubrir que hai outros mundos e están neste.

Máis información aquí.

Como Cans e Ghatos

2009-04-03T01:48:00.000-07:00

A Biblioteca Municipal do Porriño volve a colaborar este ano no Festival de Curtas de Cans (http://www.festivaldecans.com ) coa proxección de varias obras cinematográficas baixo o título xenérico de “Entre cans e ghatos”. Trátase de obras nas que se expresan relacións conflitivas interpersonais de variado tipo, que se proxectarán os xoves de maio a partir das 21,00 horas no auditorio da biblioteca. En concreto, o día 7 proxectarase “Unha historia verdadeira” do director David Lynch, o día 14 tocaralle o turno a “Propiedade privada” de Joachim Lafosse, e, por último, o día 28 de maio a película será “A longa viaxe”, do marroquí Ismaël Ferroukhi.

Día 7: Unha historia verdadeira, de David Lynch
Día 14: Propiedade privada, de Joachim Lafosse
Día 28: A longa viaxe, de Ismaël Ferroukhi

Máis información aquí.

Finalistas nos Premios Irmandade do Libro

2009-03-23T10:12:00.001-07:00

A Biblioteca do Porriño é finalista na modalidade de Fomento da Lectura nos XVIII Irmandade do Libro da Federación de Libreiros de Galicia. Estes premios teñen por obxecto premiar as actividades realizadas para o fomento da lectura en Galicia, que asemade contribúan á promoción e divulgación do libro e a lectura durante o ano 2008. Este é o primeiro ano que se convoca a modalidade de promoción da lectura, e somos finalistas xunto coa Biblioteca de Oleiros e a Asociación Cultural Lonxa Literaria de Moaña. Ata o de agora, soamente se sabe que Xavier P. Docampo foi galardoado na categoría de mellor autor, o resto dos nominados teremos que esperar ata o sábado, na cerimonia de entrega dos premios en Carballiño, onde se coñecerán o resto dos gañadores.
Moitas grazas á Federación de Libreiros de Galicia polo seu recoñecemento e moita sorte a todos os nominados.

Boletín de novidades nº 56

2009-03-13T09:26:00.000-07:00

Xa tedes na páxina web o novo Boletín de novidades (nº 55)

Dúas xoias bibliográficas para o Fondo Local

2009-03-13T08:10:00.000-07:00

Acabamos de introducir dúas importantes novidades no noso Fondo Local. Trátase de dúas obras de Francisco Pérez Leirós publicadas na Arxentina: “Grandezas y miserias de la lucha obrera” e “El movimiento sindical de América Latina”. Francisco Pérez Leirós naceu no Porriño en 1895. Emigrou moi novo á Arxentina, onde comezou traballando como obreiro pintor e ingresou en 1912 no Partido Socialista. Foi fundador (1919) da Unión de Obreiros Municipais de Bos Aires, membro dende 1935 da dirección da Confederación Xeral do Traballo e deputado no Congreso Nacional, onde proxectou varias iniciativas. Así mesmo, participou en varios congresos internacionais obreiros, dirixiu os xornais La Confederación e El obrero municipal e publicou varios libros na Arxentina, onde faleceu o 14 de agosto de 1971.
“El movimiento sindical de América Latina” foi publicado en Bos Aires no 1941, e a obra “Grandezas y miserias de la lucha obrera” no 1974. Desta última obra só tiñamos constancia da existencia de tres copias: na Bibliothéque de Documentation Internationale Contemporaine (Nanterre, Francia), na Bibliothéque Nationale (París) e na Library of Congress (Washington, EEUU). Os dous libros, que xa están no noso Fondo Local, foron localizados en bibliotecas particulares de emigrantes galegos na Arxentina.

Excelentes datos de visitas na web

2009-03-09T08:52:00.000-07:00

O catálogo en web da Biblioteca do Porriño tense convertido nun dos máis visitados de toda Galicia logo dos últimos datos proporcionados pola Rede de Bibliotecas. En concreto, a nosa biblioteca ocupa o posto número 11 de 1.035 puntos de servizo, cun 1,28 % de todas as consultas efectuadas en Galicia. Por diante sitúanse a Biblioteca de referencia da rede (20,73%), a biblioteca do CGAC (12,44 %), a de Moaña (3,95 %), Fonoteca da Universidade de Santiago (3,95 %), Baiona (2,94 %), biblioteca do Museo Marco de Vigo (2,75 %), biblioteca de Melide (1,82 %), Fundación Eugenio Granell de Santiago (1,65 %), Biblioteca de Ames (1,63 %) e a sección de Selección web do Centro Superior Bibliográfico de Galicia (1,32 %).
Esta boa nova únese aos excelentes datos de visitas da nosa páxina web, con 71.213 visitas ao longo do ano 2008, cunha media diaria de 194,5 de visitas, ao que se unirían as visitas a este blog e a noso e-clube de lectura do cómic. Todo un conxunto de cifras que volven a afianzar a nosa presenza na web.

Nova guía de lectura do cómic

2009-03-04T03:56:00.000-08:00

Acabamos de postear, no noso E-Club de lectura do cómic, unha nova guía de lectura que fai a número 2 dende a "refundición" do club. Trátase dunha extensa guía da obra "Onde ninguén pode chegar", do ilustrador galego David Rubín, onde se analiza o cómic, a traxectoria do seu autor, unha entrevista, recursos en internet sobre a súa figura e producción, recomendacións de lectura, etc. Animádeos a participar!

Boletín de novidades nº 55

2009-03-02T08:53:00.000-08:00

Xa tedes na páxina web o novo Boletín de novidades (nº 55)

Boletín de novidades nº 54

2009-02-13T01:10:00.000-08:00

Xa tedes na páxina web o novo Boletín de novidades (nº 54)

Premio Abril Mes dos Libros 2008

2009-02-09T07:08:00.000-08:00

A Biblioteca Municipal do Porriño foi unha das gañadoras, por segundo ano consecutivo, dos premios Abril Mes dos Libros convocados pola Dirección Xeral de Difusión e Creación Cultural da Xunta de Galicia na súa edición de 2008. Esta convocatoria anual está dirixida a bibliotecas municipais e centros de ensino, e premia os diferentes programas e actividades de animación á lectura desenvoltas en Galicia cada ano ao longo do mes de abril.
Agradecemos á Consellería de Cultura e Deporte este novo premio recibido e ofrecemos os nosos parabéns ao resto de galardoados.

Velaquí a currículum da nosa biblioteca:

- Premio Abril Mes dos Libros 2008
- Premios Nacionais María Moliner 2008: Mención de honor
- Premio Abril Mes dos Libros 2007
- Premios Círculo 2007: Premio Educación e Cultura
- Premios Nacionais María Moliner 2007: biblioteca seleccionada
- Premios Nacionais María Moliner 2006: 1º Premio Nacional de Animación á Lectura
- Premios Nacionais María Moliner 2005: biblioteca seleccionada
- Premios Nacionais María Moliner 2004: biblioteca seleccionada
- Premios Nacionais María Moliner 2003: biblioteca seleccionada
- Premios Nacionais María Moliner 2002: biblioteca seleccionada

Boletín de novidades nº 53

2009-02-03T08:39:00.001-08:00

Xa tedes na páxina web o novo Boletín de novidades (nº 53)

Novo centro de interese Autoaxuda

2009-01-21T04:02:00.000-08:00

Incorporamos ao noso fondo na sala de consulta un novo centro de interese relacionado co tema de Autoaxuda, desenvolvemento persoal e exito. Decenas de títulos para mellorar individual ou laboramente. Con este novo centro de interese xa son 5 centros cos que contamos (SOS Nais e pais, Cómics de adultos, Gastronomía, e Ver mundo), que proximamente irán incrementándose.
A organización de parte da nosa colección a través de centros de interese ven dada pola consideración de que son unha das mellores maneiras de achegar o noso fondo aos usuarios, facilitar a súa autosuficiencia e ofrecer novas seccións temáticas, que pensamos poden ser do seu interese.
A Biblioteca do Porriño aposta por este tipo de organización máis viva e achegada aos gustos dos nosos usuarios, e paulatinamente irá creando novas seccións temáticas.

Boletín de novidades nº 52

2009-01-16T09:18:00.001-08:00

Xa tedes na páxina web o novo Boletín de novidades (nº 52)

Contos no camiño

2009-01-15T08:35:00.000-08:00

Dende o martes 20 ata o venres 23 desenvolverase a campaña "Contos no camiño", organizada pola S.A. de Xestión do Plan Xacobeo en colaboración con OQO Editora e a Biblioteca do Porriño. Os rapaces e rapazas de1º e 2º de primario dos nosos centros escolares descubrirán - a través de sesións que mesturan narración oral e audiovisual - como os peregrinos, no seu camiñar, traían consigo a lingua, a cultura e a palabra da súa lugar de orixe.
O fío condutor son os contos populares de distintos países. A través dos relatos narrados, a música e as imaxes, os cativos recorrerán as distintas rutas xacobeas, facendo fincapé nos valores da convivencia entre culturas.
Como remate da actividade os nenos e neas elaborarán oito cadernos - un par cada Rota Xacobea - nos que deixarán a súa pegada, coma mostra por ter participado nesta viaxe colectiva. Ao longo das sesións irase formando un camiño cada vez máis grande que, no remate das actividades, exporase no Museo do Pobo Galego en Santiago.

Resolución do concurso SMS 2008

2009-01-14T02:54:00.000-08:00

O xurado do IV Concurso de Mensaxes de móbil do Concello do Porriño 2008, composto por:

- Lucía Aldao (poetisa)
- Fran Rei (Responsable de mocidade da Mesa pola Normalización Lingüística)
- Jesús Ramilo (Filólogo)

dictaminou que as mensaxes gañadoras son:

1º PREMIO: 250 €
chgarei contr as 7 do seran, e boa hora non teras qeixa, avis a papa e dill a comadroa q non me zoup moi fort…vemonos axina.
[de Albino Soto Figueroa]

2º PREMIO: 150 €
Oes meu?e logo s ims hox a kbarcos e botams un pe k panorama bn agarradiñs?a iso ds 11 paso pillart n R-19!pont guapo!biquiñs a feixs!
[de Reyes Yanes Márquez]

3º PREMIO: 100 €
Feito impoñible:circunstancia q xera obriga d tributar(neste caso qererme).cota tributaria:moitos bicos dentro d prazo.
[de Jose Antonio Losada Fernández]

Noraboa aos gañadores e gañadora e grazas a todas e todos por participar.

As cifras da biblioteca

2009-01-13T07:00:00.000-08:00

Grazas a todas e todos vós os nosos indicadores seguen crecendo a un ritmo ritmo fixo e constante. As cifras de préstamo de libros falan por sí mesmas. Noraboa a todas as nosas lectoras e lectores!

Resolución "Que mellor cesta de Nadal..."

2009-01-09T06:21:00.000-08:00

A gañadora do concurso "Que mellor cesta de Nadal que unha chea de libros!" foi Carmen Puga Martínez, unha moza usuaria de 4 anos de idade. A resolución do sorteo foi dada onte a través da man inocente de Lúa Conluvas. Noraboa á gañadora e moitas grazas por participar a todas e todos.

Boletín de novidades nº 51

2009-01-08T08:39:00.000-08:00

Xa tedes na páxina web o novo Boletín de novidades (nº 51)

Boletín de novidades nº 50

2008-12-17T07:08:00.000-08:00

Xa tedes na páxina web o novo Boletín de novidades (nº 50)

Que mellor cesta de Nadal que unha chea de libros!

2008-12-02T10:29:00.000-08:00

A Biblioteca Municipal do Porriño volve a convocar por segundo ano o concurso “Que mellor cesta de Nadal que unha chea de libros!”. Dende o luns 1 de decembro, ata o xoves 8 de xaneiro, as usuarias e usuarios da biblioteca serán agasallados cunha participación gratuíta para o concurso con cada préstamo a domicilio que efectúen. Será ese xoves de xaneiro, cando Lúa ConLuvas, a popular contacontos da biblioteca, exerza como “man inocente” dando a coñecer o gañador ou gañadora da cesta de Nadal. A cesta está composta dunha ampla relación de libros de distintas materias (narrativa, poesía, pintura, historia, obras de divulgación…) para todas as idades. A biblioteca pretende ofrecer como agasallo aos seus usuarios e usuarias unha colección de obras para ler ao longo de todo ano entre toda a familia, empregando este tipo de populares sorteos, máis propios doutros ámbitos e sectores, como un factor dinamizador máis dos seus servizos.

Boletín de novidades nº 49

2008-11-13T08:54:00.000-08:00

Xa tedes na páxina web o novo Boletín de novidades (nº 49)

V Xornadas de Historia do Porriño

2008-11-12T01:29:00.000-08:00

Do 17 ao 21 de novembro, desenvolveranse no auditorio da biblioteca as V Xornadas de Historia do Porriño, que este ano xirarán arredor do tema do ensino e a educación na nosa vila. Estarán connosco o investigador Xosé Ramón Iglesias Veiga, os profesores da Universidade de Compostela Xosé Manuel Malheiro Gutiérrez, Herminio Barreiro Rodríguez e Ángel Serafín Porto Ucha, o investigador e parlamentario Xosé Ramón Paz Antón e os responsables da biblioteca Albino Alonso Rodríguez e David Pérez Rego. Podedes consultar o programa completo das xornadas neste enlace.

Novo centro de interese Gastronomía

2008-11-05T03:10:00.000-08:00

Creamos un novo centro de interese na sala de consulta denominado "Gastronomía", onde incluímos libros relacionados cos alimentos e a forma de preparalos. Incluímos as obras dos famosos televisivos: Arguiñano, José Andrés, Paco Feixó, do programa "Cocina para 2" ou da serie "Mujeres desesperadas". Hai libros para novatos e "dummies", receitas para preparar en cinco minutos, no microondas, con latas, 400 pratos por menos de 3 euros...Cocina para vexetarianos, para diabéticos, para celíacos, cociña san, anti-aging e afrodisíaca. Se os cociñeiros ou cociñeiras son nenos ou nenas: hai libros para eles e elas. Cociña galega, española, oriental, asiática, árabe... Receitas de pinchos e ensaladas. Temos, no centro de interese "Gastronomía", pratos para tódolos gustos, nunca mellor dito.

Boletín de novidades nº 48

2008-10-27T12:14:00.000-07:00

Xa tedes na páxina web o novo Boletín de novidades (nº 48)

A Biblioteca do Porriño, mención especial no Premio Nacional de Animación á Lectura María Moliner 2008

2008-10-25T03:28:00.000-07:00

A nosa biblioteca foi distinguida cunha mención especial nos Premios de Animación á Lectura María Moliner que se fallaron onte. A Campaña de Animación á Lectura María Moliner, organizada polo Ministerio de Cultura, a Federación Española de Municipios e Provincias e a Fundación Coca-Cola, convocada para concellos de menos de 50.000 habitantes de toda España, é o concurso máis importante no mundo das bibliotecas españolas, que se celebra dende 1998 e que pretende premiar ós mellores proxectos para promover a lectura de nenos e mozos nas bibliotecas do territorio estatal.
O premio ao mellor proxecto de Labor Bibliotecaria foi parar este ano ao concello de Igualada (Barcelona), o de Integración Social a La Oliva (As Palmas) e o de Animación á Lectura aos nosos paisanos de Ortigueira aos que lles enviamos os nosos encarecidos parabéns.
Xunto connosco, dos 557 proxectos presentados, recibiron mención especial os concellos de de Oleiros, Cambre e Sada (A Coruña), o Puerto de la Cruz (Santa Cruz de Tenerife), Corrales de Buelna (Cantabria), Mislata e Xátava (Valencia), Alovera (Guadalaxara), Castuera (Badajoz), Mejorada del Campo (Madrid) e os nosos amigos de Ermua (Vizcaya).
Recordamos que no ano 2006 a Biblioteca do Porriño gañou o Premio Nacional de Animación á Lectura, e levamos sendo seleccionados entre os 350 mellores dende o 2002. E agradecemos este novo recoñecemento ao noso traballo que non podería chegar a bo porto sen a complicidade dos nosos usuarios e usuarias. Grazas e noraboa a todos.

Graffiti na biblioteca

2008-10-17T00:53:00.000-07:00

No noso proceso continuo de reformas, desta volta tocoulle a quenda á Sala de Acceso a Internet. Dous recoñecidos graffiteiros, Raúl e Víctor, procederon a darlle un lavado de cara á sala cun deseño orixinal composto de fíos e redes que simbolizan a tea de araña de Internet no seu paso polo municipio porriñés. Un bo traballo que lle da a sala un aspecto máis vivo e dinámico e esperemos que vos guste.

Semana do libro e da lectura 2008

2008-10-10T03:32:00.000-07:00

Do 19 ao 25 de outubro desenvolverase na biblioteca unha nova edición da Semana do Libro e a Lectura, este ano dedicada ao mar, promovida pola Dirección Xeral de Creación e Difusión Cultural e coordinada pola Asociación Socio-Pedagóxica Galega e a biblioteca. Ao longo de toda unha semana teremos multitude de actividades: contacontos, obras de teatro, exposicións, obradoiros para o alumnado de todos os centros educativos do concello, obradoiros para profesores, etc. Consulta o programa completo na nosa web.

Cambios na sala de consulta

2008-10-08T11:42:00.000-07:00

Moitos/as de vós xa víches os cambios que fixemos esta semana na sala de consulta da biblioteca. Engadimos novo mobiliario e reformamos toda a disposición da sala, eliminado aquel longo corredor para formar no fondo 4 pequenos corredores moito máis prácticos para a consulta do noso fondo bibliográfico. Reorganizamos tamén as mesas, gañando con iso moito espazo, sobre todo no acceso á sala. Buscamos unha sala máis diáfana, aberta, luminosa e espazosa, aínda que faltan moitas cousas por facer que en breve prazo esperemos estean finalizadas: cambiaremos o sistema de luz nos estantes, a carteleiría, aumentaremos de dous a sete os nosos centros de interese e ampliaremos toda a sección de hemeroteca. Esperemos que estedes contentos cos cambios, como moitos das nosas usuarias e usuarios xa nos teñen manifestado.

IV Concurso de mensaxes SMS

2008-10-01T06:38:00.000-07:00

Xa está convocado o IV Concurso de mensaxes SMS. Tedes ata o 12 de decembro (ás 14,00 horas) para enviar as vosas mensaxes de móbil ao número 638148957. Hai tres premios: 250 euros, 150 euros e 100 euros, polos sms premiados. Consultade as bases premendo aquí.

Boletín de novidades nº 47

2008-09-30T11:41:00.000-07:00

Xa tedes na páxina web o novo Boletín de novidades (nº 47)

¡Menuda festa O Son dos Libros!

2008-09-23T01:09:00.001-07:00

Ya sabedes que o venres pasado tivemos a festa O Son dos Libros. Situamos o escenario no vestíbulo da biblioteca, ben decorado de libros, e cun sistema de iluminación interior e exterior de luxo. Moita xente. O primeiro en actuar foi Kedro, que volveu reunir a todos os seus incondicionais presentando temas do seu novo disco. Tivemos a visita sorpresa de Dj Cro que serviu de enlace entre Kedro e os Vinilo Keepers. Nunha actuación espectacular, Limbo e Karmasound fixeron dúas sesións por separado e unha actuación conxunta deixando ben claro o seu dominio do "turntablism", con boas doses de funk, soul, jazz e hip hop. Espectacular. A festa na biblioteca prolongouse ata a 1 da madrugada. Aquí os deixamos algunhas fotos (proximamente colgaremos no noso canal de Youtube un vídeo da festa):

A Biblioteca do Porriño no Congreso Nacional

2008-09-11T03:35:00.000-07:00

A Biblioteca Municipal do Porriño foi seleccionada polo Comité Científico para participar activamente no IV Congreso Nacional de Bibliotecas Públicas que se desenvolverá na cidade de Coruña os días 24, 25 e 26 de setembro. Esta convocatoria bianual está organizada pola Dirección General del Libro, Archivos y Bibliotecas del Ministerio de Cultura, a través da Subdirección General de Coordinación Bibliotecaria e en colaboración coas Comunidades Autónomas, a FEMP, fundacións e asociacións profesionais de bibliotecas. Os responsables da biblioteca presentarán a comunicación “A biblioteca no mundo e o mundo na biblioteca: estratexias de márketing bibliotecario” na terceira xornada e dentro do bloque temático “Proxección e imaxe da biblioteca pública”.
Esta é a segunda vez que a biblioteca participa activamente no Congreso Nacional de Bibliotecas, despois de presentar no 2006 o póster “Cine na biblioteca” no congreso celebrado en Murcia.

O son dos libros: festa na biblioteca

2008-08-22T08:46:00.000-07:00

Comeza o curso lectivo e dende a Biblioteca do Porriño queremos celebralo contigo. Organizamos a festa de fin-de-verán e principios-de-curso O SON DOS LIBROS para o 19 de setembro de 2008 a partir das 21,30 horas no edificio da biblioteca. ¿Quen dixo que as bibliotecas eran aburridas? Temos novos servizos e novos espazos e queremos ensinarchos. Contaremos coa presenza dos dj´s de Vinilo Keepers, co seu espectáculo de turntablism onde mesturan funk, soul, jazz e hip hop. Palabras liberadas no hip hop de Kedro. Haberá moita música. Haberá libros. Na biblioteca...

Boletín de novidades nº 46

2008-08-13T10:19:00.000-07:00

Xa tedes na páxina web o novo Boletín de novidades (nº 46)

Boletín de novidades nº 45

2008-07-23T02:31:00.001-07:00

Xa tedes na páxina web o novo Boletín de novidades (nº 45)

Boletín de novidades nº 44

2008-07-16T01:50:00.000-07:00

Xa tedes na páxina web o novo Boletín de novidades (nº 44)